Hólmavatn í Dölum

Vatnið er um 180 km frá Reykjavík, eða um 30 km frá Búðardal. Ekið er um Bröttubrekku í áttina að Búðardal, ef komið er að sunnan. Rétt áður en komið er að Laxá í Dölum er beygt upp Laxárdal á þjóðvegi 59 og ekið áleiðis 24,8 km að bænum Sólheimum þar sem veiðimenn skrá sig. Þaðan er um 5 km vegur upp á heiði, en hann er ekki greiðfær fólksbílum, þó að hægt sé að aka þar á vel útbúnum og háum fjórhjóladrifsbílum. Jepplingar og jeppar hentar þar að sjálfsgöðu best.

Veiðisvæðið

Veiða má í öllu vatninu.

Gisting

Hægt er að tjalda endurgjaldslaust við vatnið á eigin ábyrgð og í samráði við landeiganda, end þar er þó enga hreinlætisaðstöðu að finna.

Veiði

Góð veiði er í vatninu en þar er einungis urriði. Algeng stærð fiska er 1-3 pund.

Agn

Leyfilegt agn er fluga, maðukur og spónn. Stranglega bannað er að leggja net.

Besti veiðitíminn

Góð veiði er allt sumarið.

Reglur

Veiðimenn verða að skrá sig við komu á bænum Sólheimum áður en haldið er til veiða, en sýna þarf Veiðikortið og skilríki. Einnig fá veiðimenn veiðiskýrslu, sem þarf að skila útfylltri við lok veiða. Aðeins er heimilt að koma til veiða milli 7:00 og 22:00. Öll umferð á mótorhjólum / fjórhjólum er bönnuð nema í samráði við veiðivörð. Börn yngri en 14 ára veiða frítt í fylgd korthafa. Hundar eru bannaðir á svæðinu.

Veiðivörður

Daði Einarsson á Sólheimum.

Laxárvatn í Dölum - Vesturland

Leiðarlýsing og fjarlægð frá Reykjavík og næsta bæjarfélagi

Upplýsingar um vatnið